HERAKLEÎTOS Bi çarebê to Herakleîtos, Ay hewawo ki to va Hima ay hewa: "panta rei, panta rei": heme çî herriyêno, þono, "Polemois" ki ma lej vanîm Hima nêvindert. Lej bêvernî, bêpeynî… Labelê haya to pey esta Herakleîtos, Ti zanî, se vanê me ra? Kenê ki Ma rayna Royo verîn di biþuwê. De ti vaje, No aqil o Herakleîtos? Wazena wa bawkalê yînî Cengîz bêro, Yew ro di caran Di finî þuwêno kes? (Malmîsanij, Anatolojiya Edebiyata Kurdî)

LULBENDO ERXENIYIJ Kam çi zano sarê kuray bi 'eslê yê, Kam çi zano Key vînî kerdbî cimê xo? Ez namey yê zî nêzana, Ez ci rê Lulbendo Erxeniyij vana. Namey yê kes nêzano? Labelê bi hinzaran însanî dî ki çi cîf ser o bi. Yew cîf tede bi ki niyno vatis. Lulbendo Erxniyij nika kotî do, Merdo, mendo? Kam ci zano. Saristano bi ez tede, Parîs Cenayîsê luliya ma cew nêzano. Îstesuna Erxenî tiya ra çend durî ya Ez zana. Gûsê mi reqenê, ez lulî xo vîrî ana. Luluiya ma, senfoniya derdo û kulan, Bêvernî, bêpeynî. Uwertir, çi nerm… La a melodî… Vay derd û kulan yeno Gama ki cemat pê fek ra cifê xo dano. Luliya ma, Gedeyeya ma, ciwaney û pîreya ma vana. A bêqalîkerdis zaf ciy vana. Luliya ma, luliya ma… Tenyayey di zafey, Zafey di tenyaye ma. (Malmîsanij, Anatolojiya Edebiyata Kurdî)

ZERA MI Zera mi Hinî qandê waþtada çimzeng û porker Û beþnbarî û lewteniki Nêerzana, nêperpiziyêna. Belê, ancîna zî Zera mi nika zîz a. Labelê a. çiqas zîz û zerþikta û persikta ya. pergenda ya. qandê çiyna wo. Anika zera mi çeharlejg a. çeharsax: lejga yew, hîranê Pîran'î û miyanê koyanê Dêrsim'î dir çanqilyaya, biya cewt lejga ye, Silêmaniya û Hewlêr dir çungirriyaya. Yew, çorsmey Mehabad û Senendej ya Zey viya lay a. Yew zî sindorê corênê Sûriya ver o Heway tîrmaran Surrikeya ya. Zera mi Ceniya çeharmerde, Birîna çehar çime Û dara çeharþax a. Nêtebitiyên, Xo wena. Miyan dir û ax û wax a. Masaya, Nexefiyaya. Pendusaya. Yew surbun ki nêteqaya. (Malmîsanij, Anatolojiya Edebiyata Kurdî)